في خبرٍ صادم: المخرج محمد سامي يعلن اعتزاله الإخراج التلفزيوني

رغم تصدر أعماله الدرامية التي تعرض في الموسم الرمضاني الحالي لعام 2025، وهما “اش اش” للنجمة مي عمر و”سيد الناس” للنجم عمرو سعد، إلا أن المخرج محمد سامي قرر الاعتزال فجأة.

من الجدير ذكره أنه صدر حكم بحبس المخرج محمد سامي لمدة شهرين فترىة وجيزة، منذ في قضية التعدي على مدير مركز صيانة سيارات، كما واجه سامي حكمًا جديدًا في نزاعه مع الفنانة عفاف شعيب، حيث قضت محكمة جنح 6 أكتوبر بتغريمه 5 آلاف جنيه بتهمة سبّ وقذف عفاف شعيب، بسبب ألفاظ اعتُبرت تمسّ بالشرف.

أعلن المخرج محمد ساميّ، اعتزاله إخراج الدراما التليفزيونية، وفاجىء جمهوره بقرار الاعتزال فجر اليوم الخميس، عبر حساباته الشخصية على مواقع التواصل الاجتماعي.

‎وكتب محمد سامي: “وداعا الدراما التلفزيونية السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات وقنوات كلها مهم”.

واستكمل: “دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، لكن كنت بنتهي من التزامات موقعة مع شركات ونجوم، والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون”.

وتابع: “خايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله أخر عملين ليا “إش إش” و”سيد الناس” حققوا نجاح أنا سعيد بيه”.

‎وأضاف: “كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا”.

‎واختتم : “إدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد مالقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي اتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة”. قد يهمكِ في السياق ذاته الإطلاع بالصور: الشبه بين مي عمر وشقيقة زوجها ريم سامي لافت للغاية!

دعم الفنان تامر حسني المخرج  محمد سامي ، بعد اعلان الاخير قرار اعتزال الدراما التليفزيونية ، خلال الساعات الماضية . 

وقال تامر حسني في تعليق علي منشور محمد سامي باعتزال الدراما التليفزيونية قائلًا : أوعى تكون عايز تبعد عشان أي إحباط جايز يكون فعلًا في بعض المشاهد اللي الناس انتقدتها وأنا شخصيًا استغربتها شويه وقولت جوايا أنك مش محتاج تعملها أصلًا لأن عندك الحقيقي والأهم بس على رأيك الفنون جنون أحيانًا فكره مجنونه تنال الإعجاب وفكره لأ… بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره ويمكن الحظ محالفكش أوي في عمل ولا 2 على مدار 14 سنه ودي حاجه مينفعش الجمهور ينساهالك.

وتابع تامر حسني : أنت قدمت مسلسل آدم اللي جمع كل المصريين وكل الوطن العربي يتفرجوا عليه زي ماتشات الكوره بسبب أنه أتكلم عن قضية تخص كل الوطن وكان بدايه لصوره جديده أول مره كانت بتتقدم في مصر وبعدها سبق الإصرار وحكاية حياه اللي كانوا نقله كبيره في ديكورات الدراما المصريه وبعدين الأسطوره والبرنس وجعفر العمده اللي حققوا نجاحات ساحقه وكانوا أعلى نسبة مشاهدات في الدراما بشكل عام وبعدهم نعمة الأڤوكاتو وإش إش وسيد الناس اللي برضو كل واحد فيهم يا أعلى مشاهده يا تاني أعلى مشاهده هزعل منك لو هتمشي محبط وأنت أنجح حد … الشجره الخضراء الجميله ساعات بيطلعلها.

و استكمل تامر حسني : ورق أصفر بسيط عادي بيتقص وبتفضل شجرة كبيرة وجميلة وده التطوير الطبيعي للبني آدم واللي بيمر بيه أي ناجح بيطور وعنده شخصيه بدليل مسلسلاتك بيتقال عليها مسلسلات محمد سامي وتركيز الناس معاك دليل على حبهم لأعمالك ورغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك وهي دي ضريبة الناجحين الكبار … سافر وكمل حلمك وأنت منتصر بتاريخك وأوعى تُحبط وأنا عارف إن محمد سامي اللي أكتشفته أنا وقدمته للصناعه وهو عنده 27 سنة لا يمكن هيتهز ممكن يزعل يومين ويراجع نفسه في مشاهد أنا مبسوط منك أنك بمنتهى الشجاعه الأدبيه أعتذرت على تقديمها خد راحه شويه وإرجع أقوى من الأول وأنا واثق من اللي هتسافر عشانه أنه قرار هيضيف نقله كبيره لمشوارك.

ختامًا، لا تنسي الإطلاع على رامز جلال يسخر من ملابس وإكسسوارت المخرج محمد سامي!