بعد سقوطها من الطابق الثامن.. شقيقة طالبة طب الإسكندرية لـ «الأسبوع»: «أختي اتغدر بها»
كشفت مشيرة نصر، شقيقة «سهيلة» طالبة طب الإسكندرية، التي لقت مصرعها بعد سقوطها من الطابق الثامن بإحدى الشقق السكنية في منطقة محرم بك بالإسكندرية، تفاصيل جديدة حول وفاة شقيقتها في ظروف غامضة قبل انطلاق العام الدراسي الجديد بساعات.
وقالت مشيرة نصر، في تصريحات خاصة لـ «الأسبوع»: «أنا لقيت كارنيه واحدة اسمها أسماء في شنطة أختي، ده بيعمل أيه؟».
وتابعت مشيرة: «شقيقتي الدكتورة كانت تدرس في جامعة طب السويس، وفي العام الثاني حولت من الجامعة إلى جامعة طب الإسكندرية، وكانت شايلة مواد متضافة ليها من الجامعة وكانت بتتمتحنها ومنتظرة النتيجة بتاعتها».
وأشارت مشيرة، في تصريحاتها الخاصة لـ «الأسبوع»: «شقيقتي ذهبت يوم الخميس الماضي إلى الإسكندرية من أجل أن تنقل إلى سكن جديد مع صديقاتها.. مشيت من أبو المطامير الساعة 11 الصبح عشان تروح تنقل من الشقة اللي في محرم بك إلي سكن آخر مع 3 طالبات، راحت هي وصاحبتها (نيرة)، ولمت هدومها عشان يسلموا السكن للناس صحابه».
وأضافت: «بعدها بشوية أختى راحت تعمل إلتماس في مادة نزلت فيها 5 درجات، وهي لما امتحنت المادة دي كلمتني وقالت لي خدي بالك أنا ممكن اشيل المادة وقولت لها عادي يا ستي سيبيها على الله.. هي أختى هتنتحر عشان خمس درجات يعني؟».
وذكرت مشيرة، أن هاتف شقيقتها المحمول تم كسره بفعل فاعل، متسألة: «أي تليفون نازل من الدور الثامن زي ما بيقولوا يفضل زي ما هو مش متكسر حتت، هما مخرمين التليفون بمفتاح الشقة»، مؤكدة أن الملابس التي كانت ترتديها شقيقتها تم تقطيعها من الشق الأيمن لها «متقطعة وكأن حد شدها منه لدرجة إن النسيج اللي في فستانها متفلت من بعضه.. ملابسها مشدودة ومتقطعة.. أنا أختى اتغدر بيها».
