دونجا: هذه تفاصيل مشادتي مع إمام عاشور.. و«عادي لما أكسب الأهلي تاني»
كشف نبيل عماد «دونجا»، لاعب وسط نادي الزمالك، تفاصيل مشادته الأخيرة مع أمام عاشور، لاعب وسط النادي الأهلي، خلال مباراة الفريقين الأخيرة، ببطولة السوبر الأفريقي، والتي توج من خلالها الأبيض باللقب القاري.
دونجا: إمام عاشور بدأ بالإساءة لي.. و«جاي مخصوص يعمل لقطة»
وقال «دونجا» في تصريحات تليفزيونية: «في ضربة جزاء الأهلي إمام عاشور جه يتكلم معايا، قولت إرجع إنت مش هتشوط لاقيته غلط في أهلي».
وأضاف: «وأنا مقبلش حد يغلط في أهلي، عشان كدا حصلت مشادة بيني وبينه».
وتابع: «أنا وإمام عاشور زمايل في الملعب عادي زي أي لاعيبة، ومافيش أي علاقة تربطنا، مش من الصح أنك تبقى مركز بس أنك تعمل لقطة، ما تركز في الملعب إنك تلعب كورة».
وزاد: «إمام جاي الماتش مركز في إنه ياخد اللقطة، ويتصور لما يجيب جون وينزل اللقطة على السوشيال ميديا ويكتب عليها كلام يعمل بيها تريند على السوشيال ميديا زي ما عمل في نهائي الكأس.. إحنا مش ممثلين إحنا لاعيبة كورة».
